كما قــــــــــارب بلا مجداف.
كما قـــــارب بلا مجداف.
في ريح عاصف وليل خواااف
تايه وسط بــــحر عريض
على بــــــر الحياة بيفيض
مع التـــيار وضد الريـــــح
بلا دفـــــــة ولا تــــوجيه
تجـــيبه الدنيا وتوديـــــــه
في وسط البحـــــــر لو ترميه
يلاقى نـــــــــصيبه مستنيه
كما قــــارب بلا مجداف.
بلا دفة ولا مجـــــداف
واطمئن نفـسى لما بخـــاف
بحلم بعيد وشط قريـــــب
لجنة مالهـــــا اوصاف
كما قــــارب بلا مجداف.
بلا موطــــــن ولا زواد
ومالي شراع ولا صـــــاري
وغربة نفسى ليـــــه بتزداد
وحزني نبض اوتــــــــاري
وشاعر ليه انا بوحدة....
وحاسس روحي متاخذة
لوهم بعيد سراب خطاف
لا يظهر يوم ولا يتشاف
كما قــــارب بلا مجداف
كحبة رمل غرقـــــــانة
غريبة وسط بحر رمـــــال
كزهرة ندية عطشــــانة
وحيدة بتحاوطها جبـــال
بلا غايــــة ولا احلام
ولا موطن ولا عنوان
مسافر وحدي والايام
بتلعب بي ف ليل غادر.
واقاوم وسط موج هادر
واحاول بس مش قادر
في صخب الغربة ضاع الحس
صراخي صار كأنه همس
وأنادي بس تاه الصوت
يرد صداه كأنه سكوت
كأني بموت كأني بأموت
حقيقـي بس لسه بأحس
وأنادي بس تاه الصوت
يرد صداه كأنه سكوت
كأني بموت كأني بأموت
حقيقـي بس لسه بأحس
وصار الحلم دلوقــــتي
يساوى يا دوب حياة انسان
وقارب نفسه من تاني
يصادف يوم هوا الشطأن
يحط حموله من الغربة
ويرسى في مرفيء الاوطان
حطام ساير انا ولا
زهور دابلة على الاغصان
حطام ساير انا ولا
زهور دابلة على الاغصان
دنيا مسـرح
دنيا مسرح او فيلم داير
سراب بيحكم عالمصاير......
واحنا فيها واحنا ليها
واحنا بيها مجروحين
زى سواقي الخوف بدموعنا
دايرين ومليانين
بنتلاقى ونتفارق............
في مختلف المفارق
ويتوه منا طريقنا ............
وتضيع بينا الحقائق
وكل واحد بيجي دوره..............
ينزل يسيب مكان لغيره
مهى
دنيا مسرح او فيلم داير
صاحب زى ماتصاحب
مسيرك يوم تفارق
واعرف قد ما تعرف.........
يا ريت هتلاقي فارق
بنتلاقى ونتفارق..........
في مختلف المفارق
ونتباعد ونتعانق ........
وتضيع بينا الحقائق
وكل واحد بيأدي دوره
ينزل يسيب مكان لغيره
مهي دنيا مسرح او فيلم داير
ومكنتش أعرف..........
لكنك انتي كنتي دايما تعرفي
ولازلت نادم..........
لما افتكرتك يوم راح تنصفي
ولا عادش باقي مني ليكي ..........
غير هزالي وغير حطامي
وحتى ضي عيوني ضايع
بين انيني وبين ألامي
واحنا فيها واحنا ليها
واحنا بيها مطحونين
زي سواقي الخوف بدموعنا
دايرين ومليانين
بنتلاقى ونتفارق فى مختلف المفارق
ونتباين ونتعانق وتضيع بينا الحقائق
البلياتـشوا
انا بلياتشوا.....باعيش فى السيرك
شكلي ..... يِضَـــــــحك ........
صوتي يِضَــــــــحك........
حتى ألامــــــي.....
كمان بِتضَـــــــــــــحك..........
مهما يكون الحزن في قلبي
أنا لازم اضحك..............
لازم أدارى الدمعة في عيني
وغيري أُضَحَــــــــــــــك....
جايز فعلاً .....
شكلي سعيد....
بس سعادتي.......
عمر ما كانت دايماً...
صفتي ونعتي.........ورغم الدمعة ...
في عيني تملى بتضوي..............
أنا بضحك ...
ياللي ما تعرف...!!!
لمعة فرحة حقيقي
دي ولا ...........
دمعة بتـــــــــــكوي.....
وشى بِيضحـــــــــــــك
لكــــــــــــن
قلبي حزيــــــــــــــــــــن
بأرسم بسمة ...........
وأداري .....
في قلبي
جراح وانيـــــن
واعيش الضحك كأنه حياتي
وبحمل جوه عيـــــوني
جبال من الحزن
وبادي الفرحة بأيـــــــــــدي
لناس تانييــــــــــــــن
وطني ياللي
وطني ياللي
بضحي عشانك
فين ألوانك؟؟..تاهت ليه؟؟
ضاع عنوانك ؟....
قولي مكانك
دايما ادور ,,مش بلاقيه!!!
جرف التيار شديد
ولا فيش غيرك اكيد
ممكن تساعديني .........
يثوبك الفضفاض
ياشايلة عنى حاجات
لو اشيلها ترديني....
مدي ايديكي
بهمتك
يلا نشد الحيل...
ان الاوان
لتفوقي من غفوتك
علشان
تصدى السيل
يقولوا سافر....
يقولوا هاجر
يقولوا اسكت......
خليك مطيع
ارد حاضر........
وقلبي هادر..........
واصرخ في نفسي
ابدا ما اطيع
شيء غريب
النها رده...
صحيت قوام م النوم لقيت
غير كل يوم....
حاسس انا...صرت وبقيت
عيني دارت في المكان
كل شيء زي اللي كان
اوضتي هي.....
صحابي....
ناسي...
قهوة الدنيا اللي تحتينا
بناسها اللي عاشوا العمر
فوق نفس الكراسي
ايه يا واد غير دولا نااااااااسي
ايه يا واد غير دولا نااااااااسي
يا بني ركز...........
في الاكيد فيه شيء اساسي
......................................................
صدقوني.......
ده هُما هُما
يعيشوا العمر و يعانوا
من الوحدة وم الغُمة
يشوفوا الدنيا
من بره ........
ويبتسموا....
يعيشوا الحلم100 مرة
ماداقوا حلاوة غير اسمه
يدور العمر قدامهم
سنين بتكُر ايامهم
مايمكن ضحكة..
على فجاءة
في يوم تفلت وتسعدهم
وهو- ااااااه
نفس الزمان
نفس العقارب
بجنان بتجري كما الفيران
مربوطة طول العمر
ف دائرة عايشة
عشان تلف
فوق نفس الحيطان
*******************
عيني دارت في المكان
كل شىء زي اللي كان
اوضتي هي
صحابي ناسي
ايه يا واد غير دولا ناسي
يا بنى ركز...........
ده الاكيد فيه شيء اساسي
بألتفت حواليا تاني
النهارده في شىء غريب جوايا حسه
***********************
صح فعلا كل شىء زي اللي فات
كل شىء حواليا بيحاوطه السكات
راجعت نفسى
وكل ما قبل النهارده
وليه كل شىء حواليا باقي مكانه لسه
وليه تمللي فيه شىء غريب جوايا حسه
شىء فى قلبي
مش بشوفه
بس لامسه
سرحت فعلا.....
عيني ضاقت
حلم ..
ولاحقيقة كانت
رفرف جناحي اللي انكسر
حرية
زي العطر
في قلبي
فاحت
أصعب قرار
تعرف أيه في الدنيا دي أصعب قرار.
لو ما عدش في يوم هناك فرصة خيار
أصعب قرار.
لو يكون الاختيار ممكن أكيد...
بس يبقي الاختيار بين نار...... ونار
لما يبقى النور ظلام
أويصير الليل نهار
في لحظة يبقى
هو ده اصعب قرار
لو تخاف قلبك يكون يكذب عليك
لو تحس في يوم بحلمك...............
اختفى من بين ايديك
لو يكون في الليل تمللي غناك حزين...
بس قلبك............
لسه عايش جوه حلمه
لسه قادر أنه يفرح..
أصلا نفسه في مرة يفرح.... من سنين
نفسه يرجع...
تاني يعشق
نفسه يلحق في النهاية
ضحكه خارجة بدون أنين
....................
لما بتوه الملامح
لوتخاف انك تسامح
لما تخرج ضحكتك
دمعة مرار ..
يبقى هو حقيقي فعلا
الاختيار اصعب قرار
ولما تبقى الغنوه آأأأأأأأأأأأه..
كلمه مش عارف دي غنوه.............
ولاصرخة من الحياة............
بس أيه...
أخر مداه
حلم يتحطم معاك
ولا جسر يعدى بيك
ولاسور.............
بيــــرد من قلبك صداه
ولااحساسك يحاول
وأنت شاعر ..
كل شىء جوه المشاعر
انتهى...
والزيف طواه
لوتكون لازم تقاوم
وأنت عازم........
بس شىْ واقف فى قلبك
وأنت عِــــندك..
يمنعك تقبل سواه......
يبقى ده اصعب قرار
برأة عنيك
كل البراءة اللي فى عنيكى
لمعة الضى فى جبينك
كل بسمة فوق شفا يفك....
لمسة الحب فى ايديكى
كل نظرة من عنيكى........
حركت احساسى بيكى
حركت فيا المشاعر
كلها بتاخذنى ليكى
بتشدنى لعالم بعيد .
مالهوش حدود.........
.مالهوش وجود....
كأنه حلم فى وسط ليل.....
كأنه لمحة طيف جميل
همس الجداول
فى المروج الخضراء او بين البتول
كل التلال
المكسية خضرة فى المراعى و فى السهول
شجر الصينبر و القرنفل ...شط البحيرة و الزهور
فيض الجمال الكائن فى المواسم و االفصول
لمعة عيون الطفل لو حس السرور
رقة نسيم الفجر فوق شعرك حبيبتى
كل شىء من دول حببيتى
بيفكرنى بيكى.
جنة وعدي
ده لو ما كان الشوق جارح
لأحبك اكتر م امـــــــــبارح
بس أنت هاودني وصــالح
قلبي هتلاقاه مع قلــــــــــــــــبك
ولو يلوم الناس قـــــــــــلبى
ازى هويتك وبــــــــــــحبك
هاهواك فى سرى واخـــــبي
وأعيش يا روحي على ذكرك
ياحبيبى يا جــــــنة وعدى
كان يوم هنايا ويوم سعدى
لما قابلتك ولقــــــــــــــــــــيتك
وتلاقى مين يهواك قدى
مش ده الغرام اللي داريته
قدام عنيا وخـــــــــــــبيته
دلوقت ُروح قلبى بديـــته
والشمس هتنور فــــجرى
ياعنيا يا زهرة عـــمرى
ياللى هواك حبى وقدرى
افتح يا روحى باب قلبك
تلاقيني جواه مستــــني
يابحــــــر قول ايه حكايتك
يابحــــــر قول ايه حكايتك معايا
وتمــــــلي بدئي فيك ليه منتهـايا
يا بحر بعشق سكوتك...........
...صخبك ...هدوئك ..وموجــك
وبحب لما نلتقي ...
أعيش صفايا في غروبك..
ويدور ما بينا حديث وحديث
واقولك الف شيء محبوس
جوايا بشيلهولك...
يا بحــــــــــر
مصر حـــــــــــــــرة.
__________________
ياللي فاكر عشت ثـــــــــــــورة
هي مش لعبة ومغامــــــــــــرة...
ثورة يعنى تبنــــــــــــــــى بلدك...
يعنى شغل بكل قـــــــــــــــــدرة
يعنى تقرأ. يعنى تفهــــــــــــم!!!
يعنى تدى بلدنا فـــــــــــكره
يعنى تحفر فيها ترعه
ولا تغرس فيها شجرة
يعنى ايه أفيد لــــــــــــبلدك؟؟؟؟
انك انت تقول و تصـــــــــــــرخ
ولا تزرعها بخُضـــــــــــــرة؟؟؟
مش بصوت عالي هنكبر
مش بقطع طريق هنوصل
مش بفتنه ...
ومش بشق صفوف هنبقى
رمز للعالم و عبــــــــــــــــــــــره...
احلى شىء دلوقت يعنى .....
انى اقول انا جاى بثورة.
اااااه ...
بأختصار هالبس كوفيه
او بياته فى المـــــــــــــيدان ...
او صراخ عالي في مظاهـــــــــــرة
برضه اسهل...
ان انا من الفجر اصحـــــــــــى
ولا ازرع ولا اقلــــــــــــــــــــع .
واسألو الفلاح في ارضـــــــــــــه
والصنائعي ..بره بلـــــــــــــده ..
يعنى ايه في الاصل ثــــــــــــوره
ثورة يعنى جمال طباع
يعنى حلم لشمس بكـــــــــــره
يعنى مليونية تزرع
قمح ذهبى في وسط رمــــــــــــــلة
طب هاودني ...
قول لكل الناس هناك..
مين هيجي معايا بكـــــــــــــره
نصحى مالفجر ونسافر
عالصحارى فى شمس صفـــــره
نزرع الارض ونخلى مصرنا
اجمل واحـــــــــــــــــــــلى
عد كام واحد هيجي
وعد كام واحد هيصــــــــحى...
قبل ما تردو عليا ..
او تقولو فلول ...وبـــــــــــــره.
اقرا وافهم ...
يعنى ايه فى الاصل ثـــــــــــــــورة
اقرا كل كتاب لثــــــــــــــورة...
شوف بعينك كل ثــــــــــــــــوره
شوف تشيلى ولا كوبا
ولا غيرهم
شوف وراجع يعنى ايه
فوضى بتخلق...
يعنى ايه
في الاصل صـــــــــــــــــدمه
يعنى ايه تكون تُقاد
وانت فاهم...
انك انت شديد وخبـــــــــــره
صدقونى ...
مش بقول كلام ومرسل
مش هاعيش وادن فى مالــــــــطه
مش بقول كلام وناوى
افتى ولا...أديك محـــــــــــاضره
واللى عارف قصدى فاهم
قد ايه بعشق ترابــــــك
قد ايه بتمنى انك ...
تبقى احلى ما ف المجره
بس يلااااا....
قولنا هى ايام وغابـــــــــــره
هى صح ايام وغابـــــــــــره
بس مصر بلدنا دايماً
مصر هتفضل ارض حــــــــــره
مصر هتفضل ارض حــــــــــره
Posts
